ओली सरकारको एकसय दिन पूरा, आज उपलब्धि सार्वजनिक गरिँदै

काठमाडौं, कार्तिक ७ । प्रधानमन्त्री केपी शर्मा ओली नेतृत्वको सरकारको १०० दिन पूरा भएको छ ।

सरकारको नेतृत्व गरेको १०० दिन पूरा गरेको अवसरमा बुधबार सरकारले उपलब्धि सार्वजनिक गर्ने भएको छ ।

प्रधानमन्त्री ओलीले प्रधानमन्त्री तथा मन्त्रिपरिषद् कार्यालयबाट साढे २ बजे सरकारको १०० दिने उपलब्धि सार्वजनिक गर्न लागेका हुन् । 

प्रधानमन्त्रीको सचिवालयका अनुसार सो क्रममा ओलीले १०० दिनको अवधिमा भएका प्रगति विवरणको फेहरिस्त प्रस्तुत गनेछन् ।

ओली गत असार ३० गते प्रधानमन्त्रीमा नियुक्त भएका थिए ।