रास्वपा कार्यकर्तामाथि प्रहरीले हान्यो अश्रुग्यास र पानीको फोहरा
पोखरा । राष्ट्रिय स्वतन्त्र पार्टी (रास्वपा) का कार्यकर्ताहरूको पर्दशनमा प्रहरीले अश्रुग्यास र पानीको फोहरा हानेको छ।
सभापति रवि लामिछाने पक्राउको विरोधमा प्रदर्शनमा उत्रिएका कार्यकर्ताहरूमाथि प्रहरीले अश्रुग्यास र पानीको फोहरा हानेको हो।
आइतबार दिउँसो पोखराको सहिद चोकमा रास्वपा कार्यकर्ताहरूले प्रदर्शन गरेका थिए।
निषेधित क्षेत्रबाट हट्न पटक-पटक गरेको आग्रहलाई प्रदर्शनकारीहरूले अटेर गरेको भन्दै प्रहरीले सुरूमा पानीको फोहरा हानेको थियो।
त्यसक्रममा रास्वपा कार्यकर्ताहरू र प्रहरीबीच धकेलाधकेल भएको छ। त्यसपछि प्रहरीले प्रदर्शनकारीहरूलाई लक्षित गर्दै अश्रुग्यास हानेको छ।
सभापति लामिछानेलाई सहकारी ठगी र संगठित अपराध कसुरमा प्रहरीले गत शुक्रबार पक्राउ गरी पोखरा लगेको थियो। लामिछानेलाई आइतबार दिउँसो जिल्ला अदालत कास्कीमा उपस्थित गराइएको छ।
प्रकाशित मिति: ४ कार्तिक २०८१, आइतबार
