यी ६ प्रदेशका केही स्थानमा मध्यम वर्षा
काठमाडौं, कार्तिक ४ । हाल देशभर पश्चिमी वायु र स्थानीय वायुको प्रभाव छ । जसले गर्दा कोशी, मधेश, बागमती, गण्डकी, कर्णाली र सुदूरपश्चिम प्रदेशका केही भूभागमा आंशिक देखि साधारणतया बदली रहेको छ ।
देशका बाँकी भूभागमा भने आंशिक बदलीदेखि मौसम मुख्यतया सफा रहेको जल तथा मौसक विज्ञान विभाग पूर्वानुमान माशाखाले जनाएको छ ।
कोशी, मधेश, बागमती र कर्णाली प्रदेशको थोरै स्थानहरू तथा गण्डकी र सुदूरपश्चिम प्रदेशको पहाडी भूभागका एक–दुई स्थानमा चट्यांगसहित हल्कादेखि मध्यम वर्षाको भइरहेको छ ।
आज दिउँसो कोशी, मधेश, बागमती, गण्डकी र लुम्बिनी प्रदेश लगायत बाँकी प्रदेशको पहाडी भूभागमा आंशिक देखि साधरणतया बदली रही बाँकी भूभागमा आंशिक बदलीदेखि मौसम मुख्यतया सफा रहने छ । कोशी, मधेस, बागमती लगायत बाँकी पहाडी भूभागका थोरै स्थानहरूमा चट्यांगसहित हल्कादेखि मध्यम वर्षाको सम्भावना रहेको छ ।
आज राति कोशी, मधेस, बागमती, गण्डकी र लुम्बिनी प्रदेशका थोरै स्थानहरूमा चट्यांगसहित हल्कादेखि मध्यम वर्षाको सम्भावना रहेको छ ।
प्रकाशित मिति: ४ कार्तिक २०८१, आइतबार