नेपालले टस जितेर ब्याटिङ गर्दै
काठमाडौं, कार्तिक ४ । दोस्रो टी–२० अन्तर्राष्ट्रिय क्रिकेट अन्तर्गत अमेरिकासंगको खेलमा नेपालले टस जितेर ब्याटिङ गरिरहेको छ ।
डालासमा टस जितेर नेपालका कप्तान रोहित पौडेलले पहिला ब्याटिङ गर्ने निर्णय लिएका हुन् ।
अमेरिकासँगको पहिलो खेलमा नेपाल १७ रनले विजयी भएको थियो । टी–२० शृङ्खलाको तेस्रो तथा अन्तिम खेल सोमबार हुनेछ ।
यो शृङ्खलापछि नेपालले अमेरिकामै आईसीसी विश्वकप क्रिकेट लिग–२ खेल्नेछ ।
प्रकाशित मिति: ४ कार्तिक २०८१, आइतबार