राष्ट्रपति पौडेल तीर्थयात्राका लागि बाजुरामा
बाजुरा, कार्तिक १ । राष्ट्रपति रामचन्द्र पौडेल बडीमालिका तीर्थयात्राका क्रममा बाजुरा पुगेका छन् । बिहीबार बिहान बाजुरा पुगेका राष्ट्रपति पौडेलले बडिमालिका दर्शन गर्ने जाने कार्यक्रम रहेको छ ।
राष्ट्रपति पौडेलको बडीमालिका दर्शनका साथै बाजुरास्थित नाट्यश्वरी मन्दिरको उद्घाटन गर्ने कार्यक्रम रहेको राष्ट्रपतिको कार्यालयले जनाएको छ ।
त्रिबेणी नगरपालिकाका अनुसार बिहान बडिमालिका दर्शन र त्यसपछि नाट्यश्वरी मन्दिरको उद्घाटन गर्ने कार्यक्रम रहेको जनाइएको छ ।
भ्रमण टोलीमा संस्कृति, पर्यटन तथा नागरिक उड्ययनमन्त्री बद्रीप्रसाद पाण्डे पनि छन् । राष्ट्रपति पौडेल आज नै काठमाडौं फर्कनेछन् ।
राष्ट्रपति पौडेल यसअघि असोज २१ गते आउने भनिएपनि तयारी अपुगका कारण स्थगित गरिएको थियो ।
प्रकाशित मिति: १ कार्तिक २०८१, बिहिबार
