३९२ किलो गाँजासहित मकवानपुरबाट दुई जना पक्राउ
मकवानपुर । मकवानपुर प्रहरीले ३९२ किलो गाँजासहित दुई जनालाई पक्राउ गरेको छ ।
प्रहरी चौकी रातोमाटे मकवानपुरबाट खटिएको प्रहरी टोलीले उनीहरुलाई गाँजा र ट्याङकर पक्राउ गरेको हो ।
बिशेष सुचनाको आधारमा पालुङबाट वीरगञ्चतर्फ जाँदै गरेको ना ७ ख १७७१ को ट्याङकरमा चेकजाँच गर्ने क्रममा उक्त गाँजा बरामद गरिएको जिल्ला प्रहरी कार्यालय मकवानपुरले जनाएको छ ।
पक्राउ पर्नेमा मकवानपुरको मनहरी-९ ज्यामिरेका ट्याङकर चालक २६ वर्ष रोशन पुरी र सहचालक २२ वर्षका धनबहादुर मल्ल रहेका छन् ।
प्रहरीले ट्याङकरको पाँचवटा डिब्बाहरुमध्ये ३ नम्बरको डिब्बाभित्र २५ वटा पोका रातो प्लाष्टिकले बेरेको अवस्थामा लुकाएर राखेको लागूऔषध गाँजा फेला परेको हो ।
यस विषयमा थप अनुसन्धान भइरहेको जिल्ला प्रहरी कार्यालय मकवानपुरले जनाएको छ ।
प्रकाशित मिति: २२ आश्विन २०८१, मंगलबार
