विश्वकप एसिया छनोटका लागि खेलाडी छनोट
काठमाडौँ, असोज १८ । आगामी कात्तिक २१ गतेदेखि नेपालले खेल्ने महिला यु–१९ टी–२० विश्वकपको एसिया छनोट खेलका लागि नेपाल क्रिकेट सँघ (क्यान)ले २० खेलाडी छनोट गरेको छ ।
संयुक्त अरब इमिरेट्समा आयोजन हुने उक्त छनोट खेलका लागि क्यानले दोस्रो चरणमा २० खेलाडी छनोट गरेको हो ।
छनोटमा नेपालसँगै आयोजक संयुक्त अरब इमिरेट्स (युएई), कुवेत र थाइल्याण्ड छन् । छनोट हुने नेपाली खेलाडीमा सोनी पाख्रिन, कृष्मा गुरुङ, मनिषा उपाध्याय, साना प्रविन, प्रतिमा शाह, स्नेहा महरा, सावित्रा धामी र सुस्मिता भुसाल छन् ।
त्यसैगरी रञ्जु श्रेष्ठ, किरनकुमारी कुँवर, तृष्ना विक, रिया शर्मा, अलिशाकुमारी यादव, भवानी कामती, पूजा महतो, कुसुम गोदार, सिमाना केसी, ज्योत्सिका मरासिनी, रचना चौधरी र आश्मा पुलामीमगर छन् ।
विश्वकपको एसिया छनोटमा नेपालले उद्घाटन खेल थाइल्याण्डसँग खेल्नेछ । प्रतियोगितामा नेपालसहित थाइल्याण्ड, कुबेत र मलेसिया गरी चार टिमको सहभागिता छ । शीर्षस्थान हासिल गर्ने टोली अर्को वर्ष मलेसियामा आयोजना हुने विश्वकपका लागि छनोट हुनेछ ।
प्रकाशित मिति: १८ आश्विन २०८१, शुक्रबार
