पहिरोले घर पुरिँदा पूर्ववडाध्यक्ष र उनकी श्रीमतीको मृत्यु

सिन्धुपाल्चोक, असोज १२ । सिन्धुपाल्चोकको लिसङ्खु पाखरमा पहिरोले घर पुरिँदा दुई जनाको मृत्यु भएको छ ।

गएराति आएको पहिरोले पुरिएर वडा नं ३ का पूर्वअध्यक्ष काजीबहादुर लामा र उनकी श्रीमतीको मृत्यु भएको हो ।

घरमा सुतिरहेकाको समयमा राति १ बजेतिर आएको पहिरोले पुरिँदा दुवै जनाको मृत्यु भएको लिसङ्खु पाखर गाउँपालिकाका अध्यक्ष राजु लामाले जानकारी दिए ।

अविरल वर्षाका कारण सिन्धुपाल्चोकको जनजीवन प्रभावित भएको छ ।