विकासलाई गति दिन संविधान संशोधन आवश्यक छ : यातायातमन्त्री दाहाल

मोरङ । भौतिक पूर्वाधार तथा यातायातमन्त्री देवेन्द्र दाहालले विकासलाई गति दिन संविधान संशोधन आवश्यक रहेको बताएका छन्।

विराटनगर पुगेका यातायातमन्त्री दाहालले मुलुकको विकास निर्माण द्रुत गतिले अगाडि बढाउनका लागि संविधान संशोधन आवश्यक रहेको बताएका हुन् ।

उनले निर्वाचन प्रणालीका बाधा अड्चन हटाउन संविधान संशोधन गर्न लागिएको प्रष्ट पारे ।

यातायातमन्त्री दाहालले निर्वाचन प्रणाली सुधार गर्ने सन्दर्भमा महिला, विभिन्न जातजातिको प्रतिनिधित्व स्थानीय रुपमा निर्वाचित गरेर ल्याउने, समानुपातिक व्यवस्था व्यवस्थित गर्ने सम्बन्धमा दलहरुबीच छलफल भइरहेको बताए।

यातायातमन्त्री दाहालले संविधान संशोधनबाट जनताले पाइरहेको अधिकार कुनै हालतमा नखोसिने दाबी गरे।