कृषि मन्त्रालयद्धारा मह किसानका समस्याबारे अध्ययन गर्न समिति गठन

काठमाडौं । कृषि तथा पशुपन्छी विकास मन्त्रालयले मह उत्पादक किसानहरूको समस्या अध्ययन गर्न समिति गठन गरेको छ।

कृषिमन्त्री रामनाथ अधिकारीले मन्त्रालयका सहसचिव भोजराज सापकोटाको अध्यक्षतामा ९ सदस्यीय समिति गठन गरेका हुन्।

समितिलाई १५ दिन भित्र प्रतिवेदन पेस गर्न कार्यादेश दिएको छ।

बैठकमा कृषिमन्त्री अधिकारीले मह उत्पादक किसान र वितरक दुवै पक्षको हित हुने गरी कार्यदलले सुझाव दिने विश्वास व्यक्त गरेका छन्।

बैठकमा मन्त्री अधिकारीले मह उत्पादक किसान र वितरक दुवै पक्षको हित हुनेगरी कार्यदलले सुझाव दिने विश्वास व्यक्त गरे।

मह किसानले हाल मौज्दात रहेको २१ सय मेट्रिक टन मह बिक्रीको व्यवस्था मिलाइदिन सरकारसमक्ष माग समेत गरेका छन्।