स्वस्तिमा स्टारर फिल्म ‘बेहुली फ्रम मेघौली’ को ट्रेलर सार्वजनिक
काठमाडौं । फिल्म ‘बेहुली फ्रम मेघौली’को ट्रेलर सार्वजनिक भएको छ ।
स्वस्तिमा खड्का र निश्चल बस्नेतको शीर्ष भूमिका रहेको सोसल ड्रामा फिल्म ‘बेहुली फ्रम मेघौली’को ट्रेलर सार्वजनिक भएको हो ।
फिल्मको शीर्ष भूमिकामा स्वस्तिमाले अभिनय गरेकी छन् । निश्चल र स्वस्तिमासहित विजय बराल, बसुन्धरा भुषाल, रक्षा थापा, लोकेन्द्र लेखक, आमिर गौतम, सिरु विष्ट, सिम्रन खड्का, शिशिर शिवाकोटी लगायतको अभिनय यसमा छ ।
साजन काफ्ले र आकाश बरालले संयुक्तरुपमा निर्देशन र पटकथा लेखेका हुन् ।
ब्ल्याक हर्स पिक्चर्स र मेघौली फिल्म्सको ब्यानरमा फिल्म निर्माण भएको हो । असोज १७ गते, दशैंको घटस्थापनामा फिल्म रिलिज हुँदैछ ।
प्रकाशित मिति: ३ आश्विन २०८१, बिहिबार
