प्रधानन्यायाधीशमा सिफारिस राउतविरुद्ध उजुरी आह्वान
काठमाडौं । संसदीय सुनुवाइ समितिले प्रधानन्यायाधीशमा सिफारिस प्रकाशमान सिंह राउतविरुद्ध सार्वजनिक उजुरी आह्वान गरेको छ ।
आज बसेको संसदीय सुनुवाइ समितिको बैठकले संवैधानिक परिषद्बाट प्रधानन्यायाधीशमा सिफारिस राउत उपर सार्वजनिक उजुरी आह्वान गरेको हो।
राउतसँगैं अस्ट्रेलियाका लागि प्रस्तावित राजदूत चित्रलेखा यादव र बेल्जियमका लागि प्रस्तावित राजदूत सेवा लम्सालको उपर पनि सार्वजनिक उजुरी आह्वान गर्ने गर्ने निर्णय गरेको छ।
समिति सभापति ईश्वरीदेवी न्यौपानेले सरकारी सञ्चार माध्यम र विद्युतीय सञ्चार माध्यममार्फत उजुरी आह्वान गर्ने प्रस्ताव प्रस्तुत गरेकी थिइन्।
सो प्रस्ताव पारित भएसँगै उनले सूचना सार्वजनिक गर्न समिति सचिवालयलाई निर्देशन दिएकी हुन् ।
प्रकाशित मिति: ३ आश्विन २०८१, बिहिबार
