कैलालीमा लागूऔषधसहित ६ जना पक्राउ
धनगढी, असोज ३ । कैलालीमा लागूऔषधसहित ६ जना पक्राउ परेका छन् ।
जिल्ला प्रहरी कार्यालय कैलालीका अनुसार लम्कीचुहा नगरपालिका ३ चिसापानीबाट र लम्कीचुहा नगरपालिका २ मोतिपुरबाट ६ जना पक्राउ परेका हुन । पक्राउ पर्नेमा १९ वर्षीय पुरन साउँदसहित ६ जना रहेको जनाएको छ ।
पक्राउ परेकाहरुको साथबाट तरमाडोल लेखिएको दुई पत्ता (१९ क्याप्सुल) र फेनारगन अभिल ५ लेखिएको दुई पत्ता (१९ ट्याब्लेट) बरामद गरिएको छ ।
प्रहरीले उनीहरुसहित मोटरसाइकल र स्कुटरसमेत नियन्त्रणमा लिएको जनाएको छ ।
प्रकाशित मिति: ३ आश्विन २०८१, बिहिबार