प्रथम सुदूरपश्चिम शिवपुरी खुल्ला तेक्वान्दो प्रतियोगिता सुरू

धनगढी, असोज २ । कैलालीको धनगढी रंगशालामा प्रथम सुदूरपश्चिम खुला फ्र्याण्डसिप राष्ट्रिय तेक्वान्दो प्रतियोगिता सुरू भएको छ ।

शिवपुरी तेक्वान्दो डोजाङ्ग धनगढीको आयोजनामा सुरू भएको प्रतियोगिताको सुदूरपश्चिम प्रदेशका सामाजिक विकास मन्त्री मेघराज खड्काले उद्घाटन गरे । शिवपुरी तेक्वान्दो डोजाङ्गका अध्यक्ष आशिष चन्दको अध्यक्षतामा भएको कार्यक्रममा सुदूरपश्चिम प्रदेश खेलकुद परिषद्का सदस्य सचिव दीपकबहादुर सिंह, प्रशिक्षक, डोजाङ्ग प्रमुखहरु, खेलाडीहरूलगायतको उपस्थिति थियो ।

प्रतियोगिता असोज ५ गतेसम्म सन्चालन हुनेछ ।

प्रतियोगितामा प्रथमलाई ८५ हजार, दोस्रो हुनेलाई ५० हजार र तेस्रो हुनेलाई ३० हजार रुपैयाँ पुरस्कारको व्यवस्था गरिएको छ ।