आज यी चार प्रदेशमा भारी वर्षाको सम्भावना
काठमाडौं, भदौ २९ । हाल मनसुनको न्यून चापीय रेखा सरदर स्थानको आसापस अवस्थित छ ।
देशभर मनसुनी वायुको प्रभावसँगै बंगालको खाडीको उत्तरपूर्व तर्फ रहेको न्यूनचापीय प्रणालीकोसमेत आंशिक प्रभाव देखिएको छ ।
जसले गर्दा आज देशभर आंशिकदेखि साधारणतया बदली रहने जल तथा मौसम विज्ञान विभाग, मौसम पूर्वानुमान महाशाखाले जनाएको छ । महाशाखाका अनुसार आज कोशी, मधेस, बागमती र गण्डकी प्रदेशका केही तथा बाँकी प्रदेशका थोरै स्थानमा मेघ गर्जन–चट्याङ्गसहित हल्कादेखि मध्यम वर्षाको सम्भावना छ ।
आज दिउँसो कोशी, मधेस, बागमती र गण्डकी प्रदेशका एक–दुई स्थानमा भारी वर्षाको पनि सम्भावना छ ।
विभागका अनुसार शनिबार राति देशभर आंशिकदेखि साधारणतया बदली रहने छ । कोशी र गण्डकी प्रदेशका केही तथा बाँकी प्रदेशका थोरै स्थानमा मेघ गर्जन रचट्याङ्गसहित हल्कादेखि मध्यम वर्षाको सम्भावना छ ।
कोशी र गण्डकी प्रदेशका एक–दुई स्थानमा भारी वर्षाको सम्भावना छ भने कोशी प्रदेशको तराईका केही भागमा हावाहुरीको सम्भावना छ ।
प्रकाशित मिति: २९ भाद्र २०८१, शनिबार
