पाकिस्तानमा भूकम्प, दिल्लीमा समेत धक्का महसुस
काठमाडौँ । बुधबार पाकिस्तानमा भूकम्प गएको छ । भूकम्पको तीव्रता ५.८ म्याग्निच्यूड मापन गरिएको छ ।
भूकम्पको धक्का भारतको राजधानी दिल्लीमा समेत महसुस गरिएको भारतीय सञ्चारमाध्यमले जनाएका छन् ।
भूकम्पको केन्द्रबिन्दु पाकिस्तानको करोरबाट २५ किलोमिटर दक्षिणपश्चिममा रहेको जनाइएको छ । भूकम्पबाट भएको क्षतिको विवरण प्राप्त भइसकेको छैन ।
प्रकाशित मिति: २६ भाद्र २०८१, बुधबार
