सहकारी ठगी प्रकरणमा मेरो कुनै संलग्नता छैन : रवि लामिछाने
धनगढी । राष्ट्रिय स्वतन्त्र पार्टी (रास्वपा)का सभापति रवि लामिछानेले सहकारी ठगी प्रकरणमा आफ्नो कुनै संलग्नता नभएको दाबी गरेका छन् ।
धनगढी विमानस्थलमा बोल्दै सभापति लामिछानेले यस्तो दाबी गरेका हुन् । उनले गोर्खा मिडियामा गलत ढंगले सहकारीको रकम आएको स्वीकार गरे ।
गोर्खा मिडिया लगायतका संस्थाहरुमा सहकारीबाट गलत ढंगले पैसा गएको सभापति लामिछानेको भनाई छ ।
तर त्यसमा आफ्नो संलग्नता नभएको सभापति लामिछानेको दाबी छ। आफू गोर्खा मिडियामा भएकै कारण अरुले गरेको बद्मासीको जिम्मेवारी लिनुपर्छ भन्न नहुने सभापति लामिछानेको भनाई छ ।
कसले बद्मासी गर्यो भनेर प्रहरी अनुसन्धानले देखाइसकेको सभापति लामिछानेले बताए ।
उनले संसदको छानविन समितिले समस्या समाधान केन्द्रित भएर प्रतिवेदन दिन्छ भन्ने विश्वास व्यक्त गरे ।
प्रकाशित मिति: २४ भाद्र २०८१, सोमबार
