मनाङ केन्द्रबिन्दु भएर भूकम्पको धक्का
काठमाडौँ, भदौ १५ । मनाङमा केन्द्रबिन्दु भएर आज बिहान भूकम्प गएको छ ।
बिहान ३ः४७ बजे मनाङ केन्द्र बनाएर ४.२ म्याग्निच्युडको भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ ।
भूकम्पको धक्का लमजुङ, गोरखा र तनहुँसम्म महसुस गरिएको थियो ।
भूकम्पको गहिराई १० किलोमिटर रहेको भूकम्प मापन केन्द्रले जनाएको छ ।
प्रकाशित मिति: १५ भाद्र २०८१, शनिबार
