जनताका मुद्दा बोक्न प्रहरीलाई गृहमन्त्री लेखकको निर्देशन
काठमाडौं । गृहमन्त्री रमेश लेखकले नेपाल प्रहरीलाई जनताको मुद्दा बोक्न निर्देशन दिएका छन् ।
जिल्ला प्रहरी परिसर काठमाडौंको नवनिर्मित भवन तथा भौतिक पूर्वाधारहरुको समुद्घाटन समारोहमा बोल्दै गृहमन्त्री लेखकले यस्तो निर्देशन दिएका हुन्।
उनले जनताको मुद्दा बोक्दा प्रहरीहरुको मुद्दा पनि सँगै आउने बताए ।
गृहमन्त्री लेखकले भने,’ प्रहरी साथीहरुलाई आत्मविश्वास काम गर्न आग्रह गर्दछु । जनताको मुद्दा बोक्नुपर्यो । जनताको मुद्दा बोक्दा आफ्नो मुद्दापनि आइहाल्छ ।’
सरकार बनेको सय दिनमा १० वटा काम गर्ने योजना सहित काम गरिरहेको पनि गृहमन्त्री लेखकले बताएका छन् ।
नागरिकले राज्यबाट पाउने आधारभूत सेवामा प्रहरी जोडिएको भन्दै जिल्ला प्रहरी परिसर काठमाडौंको नवनिर्मित भवनबाट जनताले उचित सेवा पाउने बताए ।
गृहमन्त्री लेखकले सरकार बनेका एक सय दिनमा १० वटा काम गर्ने योजनासहित आफू अघि बढेको पनि बताए। उनले संक्रमणकालीन न्यायका विषयमा निष्कर्षमा पुगिएको पनि बताएका छन्।
प्रकाशित मिति: १० भाद्र २०८१, सोमबार
