रामेछाप पहिरो अपडेट : ६ जनाको शव भेटियो, ४ जना बेपत्ता
रामेछाप। रामेछापको शैलुङ्ग गाउँपालिका ३ लेखर्क पहरीगाउँमा गएको पहिरोमा परी मृत्यु हुनेको संख्या ६ पुगेको छ ।
जिल्ला प्रहरी कार्यालय रामेछापका अनुसार गएराति गएको पहिरोमा पुरिएका ६ जनाको शव फेला परेको हो।
पहिरोमा परी ५७ वर्षीया उर्मिला पहरी, ३० वर्षीय सन्दीप पहरी, ११ वर्षीय सन्तोष पहरी, १४ वर्षीय विज्ञान पहरी, ३० वर्षीया चण्डिका श्रेष्ठ र उनका १८ महिने छोरा आयुष श्रेष्ठको मृत्यु भएको छ ।
श्रेष्ठकी ११ वर्षीया छोरी अञ्जना घाइते छिन् ।
घटनास्थलमा जिल्ला प्रहरी कार्यालय, टोकरपुर र दोरम्बाका प्रहरीहरु खोज तथा उद्धारमा परिचालित भएका छन् ।
प्रकाशित मिति: ९ भाद्र २०८१, आइतबार
