नेपाल आज बङ्गलादेशसँग भिँड्दै
काठमाडौँ । साफ यू–२० च्याम्पियनसिप फुटबल अन्तर्गत आज घरेलु टोली नेपाल समूह चरणको दोस्रो खेलमा बङ्गलादेशसँग खेल्दै छ ।
खेल सातदोबाटोस्थित एन्फा कम्प्लेक्समा दिउँसो ३ बजे शुरु हुनेछ ।
समूह एबाट यसअघि नै सेमिफाइनलमा स्थान पक्का गरिसकेका यी दुई टोली बीचको खेलले समूह ए को विजेता टुङ्गो लाग्नेछ । पहिलो खेलमा नेपालले श्रीलङ्कालाई १–० ले पराजित गरेको थियो ।
दोस्रो खेलमा बङ्गलादेशले श्रीलङ्कालाई २–० ले हराएपछि नेपाल र बङ्गलादेश एक खेलअघि नै सेमिफाइनल पुगेका हुन् । श्रीलङ्का भने समूह चरणबाटै बाहिरिएको छ ।
प्रकाशित मिति: ६ भाद्र २०८१, बिहिबार
