कांग्रेस र एमालेबीचको सहमतिलाई राष्ट्रिय सहमति भन्न खोजियो : बेदुराम भुसाल
काठमाडौं । नेकपा एकीकृत समाजवादीका उपाध्यक्ष बेदुराम भुसालले कांग्रेस र एमालेको बीचमा हुने सहमति राष्ट्रिय सहमति हुन नसक्ने बताएका छन्।
राष्ट्रियसभाको बैठकमा विशेष समय लिएर बोल्दै उपाध्यक्ष भुसालले यस्तो बताएका हुन् ।
उपाध्यक्ष भुसालले भने,‘दुई दलका बीचको सहमतिलाइ र राष्ट्रिय सहमति भन्ने भाष्य निर्माण गर्न खोजिएको छ । यो कदापि हुन सक्दैन् । दुई दलका बीचको सहमति राष्ट्रिय सहमति हुन सक्दैन।’
संविधान संशोधन के विषयमा गर्न खोजेको त्यो प्रष्ट नगरी संशोधनको बहस चलाउनुको पनि अर्थ नरहेको उपाध्यक्ष भुसालले बताए ।
दुई दलका बीचमा सहमति भयो भनेर संविधानका मूलभुत मर्ममाथि प्रहार गर्न नपाइने उपाध्यक्ष भुसालले बताए ।
यदि संविधानको मर्ममाथि प्रहार गर्न खोजिए त्यो आफूहरुलाई सैह्य नहुने उपाध्यक्ष भुसालको चेतावनी छ ।
प्रकाशित मिति: २ भाद्र २०८१, आइतबार
