बेलबारीमा हात्तीको छावा मृत फेला
मोरङ, साउन २९ । मोरङको बेलबारीको एक जंगलमा हात्तीको छावा मृत फेला परेको छ ।
बेलबारी नगरपालिका–३, करमडाँडामा अन्दाजी तीनदेखि चार वर्षको हात्ती मृतावस्थामा भेटिएको हो ।
स्थानीयवासी अनिता थापा र रेखा थापाको निजी वनमा हात्तीको छावा मंगलबार बिहान मृत फेला परेको प्रहरीले जनाएको छ ।
सब–डिभिजन वन कार्यालय बेलबारी, इलाका प्रहरी कार्यालय बेलबारी र सशस्त्र प्रहरी बल बेसक्याम्प लक्षीमार्गकोे टोलीले घटनास्थल पुगेर मुचुल्का उठाएको छ । प्रहरीका अनुसार छावाको मृत्युको कारण भने खुल्न सकेको छैन ।
प्रकाशित मिति: २९ श्रावण २०८१, मंगलबार
