विद्युत विस्तारका क्रममा करेन्ट लागेर एक युवकको मृत्यु
बाजुरा, साउन २७ । बाजुरामा करेन्ट लागेर एक युवकको मृत्यु भएको छ ।
विद्युत् लाइन विस्तारका क्रममा बडीमालिका नगरपालिका–७ का ३३ वर्षीय मनबहादुर बिष्टको मृत्यु भएको हो ।
बडिमालिका नगरपालिका–६ को जडाङ्गामा ३३ केभीको लाइन बनाउने क्रममा करेन्ट लागेर बिष्ट घाइते भएपछि उपचारका लागि अछामका बयालपाटा अस्पतालमा लगिएको र उपचारको क्रममा उनको मृत्यु भएको बाजुरा प्रहरीले जनाएको छ ।
प्रकाशित मिति: २७ श्रावण २०८१, आइतबार
