काठमाडौँका अधिकांश खोलामा बाढी, सतर्कता अपनाउन आग्रह

काठमाडौँ, साउन १६ । काठमाडौँ उपत्यकामा मंगलबार रातिदेखि भारी वर्षा भइरहेको छ ।

भारी वर्षासंगै उपत्यकाका अधिकांश स्थानका खोलानाहरुमा जल सतह बढेको छ ।

वाग्मती र यसका सहायक नदीहरू हनुमन्ते, मनोहरा, धोविखोला, विष्णुमती, नख्खु, बल्खुखोलालगायत सबैमा जलसतह सतर्कता तहदेखि खतराको तह आसपास रहेको जल तथा मौसम विज्ञान विभागले जनाएको छ ।

खोलाको बाढी किनारको सडकसम्म आउने र बस्तीमा डुबान समेत हुनसक्ने देखिएकाले सडक निकारबाट यात्रा नगर्न विभागले आग्रह गरेको छ ।

ललितपुरको गोदावरी खोला थाइबाको जलमापन केन्द्रमा हालको जलसतह खतराको तह पार गरेको छ । उक्त क्षेत्रमा रहनेहरूलाई बिहान ९ बजेसम्म उच्च सतर्कता अपनाउन विभागको अनुरोध छ ।