३५ अंकले नेप्से बढ्दा १७ अर्ब २६ करोडको कारोबार

काठमाडौं । साताको तेस्रो सेयर कारोबार दिन नेप्से परिसूचक दोहोरो अंकले बढेर बन्द भएको छ।

अघिल्लो कारोबार दिन मंगलबार २० अंकले करेक्सन आएको बजारमा आज ३५.५५ अंकले बढेर परिसूचक २६९६.६५ विन्दुमा पुगेको हो।

नेप्से बढे पनि कारोबार रकम भने सोमबारको तुलनामा घटेको छ।

यसदिन ३२९ स्क्रिप्सको ४ करोड ३ लाख ७१ हजार ७७८ कित्ता सेयर १७ अर्ब २६ करोड ६३ लाख ९१ हजार ५४२ रुपैयाँमा खरिदबिक्री भए।

सोमबार १९ अर्ब ६० करोड ९१ लाख रुपैयाँको सेयर कारोबार भएको थियो।

आइतबार १५ अर्ब ८१ करोडको सेयर कारोबार भएको थियो। यसदिन कारोबार रकमका आधारमा हिमालयन रिइन्स्योरेन्स शीर्षस्थानमा रह्यो।

सो कम्पनीको ६० करोड मूल्य बराबरको सेयर कारोबार भयो।