पोखरामा स्कुल बस दुर्घटना हुँदा एक जनाको मृत्यु
पोखरा। पोखरामा स्कुल बस दुर्घटना हुँदा एक जनाको मृत्यु भएको छ।
पोखरा महानगरपालिका २१ मट्टीखान जाने बाटोमा ग १ प ६२१९ नम्बरको स्कुल बस दुर्घटना हुँदा बसका सहचालक आरती विकको मृत्यु भएको हो ।
दुर्घटनामा चालक र २० जना विद्यार्थी घाइते भएका छन्। बसमा चालक, सहचालक र विद्यार्थी गरी २२ जना सवार थिए। बसमा रहेका विद्यार्थी र चालक पनि घाइते भएका छन्।
उनीहरुको पोखरा स्वास्थ्य विज्ञान प्रतिष्ठान, गण्डकी मेडिकल कलेज र मणिपाल शिक्षण अस्पतालमा उपचार भइरहेको छ।
प्रकाशित मिति: १४ श्रावण २०८१, सोमबार
