सन्दीप र दीपेन्द्र आबद्ध टोली बंगाल टाइगर्ससँग २२ रनले पराजित
काठमाडौं । नेपालका अलराउण्डर दीपेन्द्र सिंह ऐरि र लेग स्पिनर सन्दीप लामिछानेसम्मिलित भेनकुवर नाइट्स क्यानेडियन लिग ग्लोबल टी–२० मा पराजित भएको छ ।
शनिबार राति भएको खेलमा सन्दीप र दीपेन्द्रको टोली भेनकुवर बंगाल टाइगर्ससँग २२ रनले पराजित भएको हो ।
बंगाल टाइगर्सले दिएको १ सय ५३ रनको लक्ष्य पछ्याएको भेनकुवरले निर्धारित २० ओभरमा ६ विकेटको क्षतिमा १ सय ३० रन मात्र बनाउन सक्यो।
नेपालका दिपेन्द्र सिंह ऐरि २ बलमा १ रन बनाउँदा विकेटकिपरको हातबाट क्याच आउट भए । भने सन्दीप लामिछाने २ रनमा अविजित रहनुका साथै ३२ रन खर्चे र २ विकेट लिए ।
प्रकाशित मिति: १३ श्रावण २०८१, आइतबार
