राष्ट्रिय योजना आयोगमा उपाध्यक्षमा अधिकारी र ६ जना सदस्य नियुक्त

काठमाडौं, १० साउन। सरकारले राष्ट्रिय योजना आयोगको उपाध्यक्ष र सदस्य नियुक्त गरेको छ ।

आज बसेको मन्त्रिपरिषद् बैठकले राष्ट्रिय योजना आयोगको उपाध्यक्षमा डा. शिवराज अधिकारीलाई नियुक्त गरिएको सञ्चार तथा सूचना प्रविधिमन्त्री तथा सरकारका प्रवक्ता पृथ्वीसुब्बा गुरुङले बताए ।

सदस्यहरूमा डा.आरती बिछार, डा. रमेशप्रसाद सिंह, डा. प्रकाशकुमार श्रेष्ठ, गीताकुमारी पौडेल अधिकारी, डा. जयबहादुर टण्डन र गंगादत्त अवस्थीलाई नियुक्त गरिएको उनले जानकारी दिए ।