विराटनगरको एक होटेलमा मृत भेटिए मेनपावर व्यवसायी

सुनसरी । एक जना मेनपावर व्यवसायी विराटनगरमा मृत भेटिएका छन्।

इनरुवा नगरपालिका-६ घर भएका २८ वर्षीया राजीव फुयाँल आज बिहान विराटनगर-११ नयाँ गुद्री अगाडिको होटेलमा मृत भेटिएका हुन् ।

होटेलको १०८ नम्बर कोठामा झुन्डिएको अवस्थामा उनको शव भेटिएको छ ।

अहिले घटनास्थलमा वडा प्रहरी कार्यालय विराटनगरको टोली अनुसन्धानको लागि पुगेको छ ।

मृतक फुयाँल लामो समयदेखि मेनपावर सञ्चालन गरेर बसेको बुझिएको छ ।