काठमाडौँ उपत्यकामा हैजाको जोखिम
काठमाडौँ, साउन ९ । काठमाडौँ उपत्यकामा हैजाको जोखिम देखिएको छ ।
मंगलबार ललितपुरका १६ वर्षका एक किशोरलाई हैजाको संक्रमण पुष्टि भएपछि उपत्यकामा खोजिम देखिएको हो ।
हैजा संक्रमण पुष्टि भएका किशोरको उपचार भइरहेको शुक्रराज ट्रपिकल तथा सरुवारोग अस्पतालका निर्देशक डा. युवानिधि बसौलाले बताए । उनका अनुसार राष्ट्रिय जनस्वास्थ्य प्रयोगशालामा जाँच गर्दा ललितपुरको गोदावरी नगरपालिका–१४ ठैवको एक पुनर्स्थापना केन्द्र (रिह्याबिलिटेसन सेन्टर) बस्ने किशोरमा हैजा पुष्टि भएको हो ।
त्यस्तै ठैवकै अर्का एक जना झाडापखालाका बिरामीको रिर्पोट आउन बाँकी छ ।
स्वास्थ्य तथा जनसङ्ख्या मन्त्रालयले हैजा फैलन नदिन अहिले हैजा भेटिएको पुनर्स्थापना केन्द्रलाई सिल गरेर अनुसन्धान गर्न निर्देशन दिएको छ ।
प्रकाशित मिति: ९ श्रावण २०८१, बुधबार
