फुटबल प्रशिक्षक खड्काको निधन
धनगढी, साउन ९ । राष्ट्रिय फुटबल टिमका पूर्वखेलाडी एवं प्रशिक्षक लालबहादुर खड्काको निधन भएको छ ।
धनगढीस्थित आफ्नै घरमा मंगलबार बिहान अचानक बेहोस भएपछि अस्पताल पुर्याइएका ५९ वर्षीय खड्काको उपचारका क्रममा निधन भएको हो । उनलाई मस्तिष्कघात भएको पारिवारिक स्रोतले जनाएको छ ।
धनगढी क्षेत्रमा फुटबलको विकास र विस्तारमा नेतृत्वदायी योगदान दिएका खड्काले लामो समयसम्म सुदूरपश्चिम खेलकुद विकास समितिमा फुटबल प्रशिक्षकको भूमिका निर्वाह गरेका थिए ।
प्रकाशित मिति: ९ श्रावण २०८१, बुधबार
