कोशीका पूर्वमुख्यमन्त्री कार्कीले सचिवलाई कुट्ने धम्की दिएपछि…
विराटनगर। कोशीका पूर्वमुख्यमन्त्री केदार कार्कीले आफूलाई कुटपिट गर्ने धम्की दिएको भन्दै एक मन्त्रालयका सचिवले जिल्ला प्रशासन कार्यालय मोरङमा निवेदन दिएका छन् ।
सामाजिक विकास मन्त्रालयका सचिव लक्ष्मीप्रसाद भट्टराईले आफुलाई पूर्वमुख्यमन्त्री कार्कीले कुटपिट गर्ने धम्की दिएको आरोप लागाएका हुन्।
सचिव भट्टराईले आफूलाई कार्कीले फोन गरेर कुटपिट गर्ने र शौचालयमा थुन्ने धम्की दिएको दिएको उल्लेख गर्दै निवेदन दिएका छन् ।
उनले जिल्ला प्रशासन कार्यालय मोरङ र प्रदेश प्रमुख सचिव केदारनाथ शर्मासमक्ष सुरक्षाको माग गरेका छन् ।
विराटनगरमा सञ्चालन भएको विराट गोल्ड कपको पैसा मन्त्रालयले नदिएर असहयोग गरेको भन्दै आफूलाई धम्की दिएको सचिव भट्टराईको दाबी छ ।
केदार कार्की मुख्यमन्त्री हुँदा विराटनगरमा भएको गोल्डकपका लागि दिने भनिएको रकम अर्थले सहमति नदिएपछि रोकिएको थियो ।
प्रकाशित मिति: ८ श्रावण २०८१, मंगलबार
