पहिरोले कालीगण्डकी करिडोर अवरुद्ध
बागलुङ, साउन ८ । अविरल वर्षाका कारण राष्ट्रिय गौरवको आयोजना कालीगण्डकी करिडोर अवरुद्ध भएको छ ।
सोमबार साँझदेखि परेको वर्षाले करिडोरको बागलुङ नगरपालिका–१० दब्ल्याङमा पहिरो खस्दा आवागमन अवरुद्ध भएको हो । अहिले वर्षा भइरहेकोले पहिरो पन्छाउन समस्या भएको जिल्ला ट्राफिक प्रहरी कार्यालयका प्रमुख सुमन निउरेले जानकारी दिए ।
उनका अनुसार सडक अवरुद्ध हुँदा सदरमुकामसँग दक्षिण बागलुङको सिधा यातायात बिच्छेद भएको छ ।
प्रकाशित मिति: ८ श्रावण २०८१, मंगलबार
