देशको समस्या सम्बोधन गर्नेगरी मौद्रिक नीति आउँछ : अर्थमन्त्री पौडेल
![](https://www.deshkonews.com/wp-content/uploads/2024/07/bisnu-paudel-1.jpg)
काठमाडौं । अर्थमन्त्री विष्णुप्रसाद पौडेलले अहिलेको अभावलाई सम्बोधन गर्नेगरी मौद्रिक नीति आउने बताएका छन् ।
मन्त्रालयमा आयोजित नेपाल होटल संघ का पदाधिकारीसँगको भेटघाटका क्रममा बोल्दै अर्थमन्त्री पौडेलले यस्तो बताएका हुन् ।
अर्थमन्त्री पौडेलले मौद्रिक नीतिमा छलफल भइरहेको र केही दिनभित्रै मौद्रिक नीति आउने बताए।
अर्थमन्त्री पौडेलले भने, ‘यहाँहरूले राख्नुभएका समस्याहरूमध्ये मौद्रिक नीतिमा छलफल चलिरहेको छ । केही दिनभित्र टुंगोमा पुग्छ । सामान्यतया अहिलेको क्राइसिसलाई पनि मौद्रिक नीतिले सम्बोधन गरोस् भन्ने धेरैतिरको अपेक्षा छ ।’
पोखरा अन्तर्राष्ट्रिय विमानस्थल र गौतमबुद्ध अन्तर्राष्ट्रिय विमानस्थलबारे आवश्यक छलफल गरेर सञ्चालन गर्ने बताए ।
होटललाई उद्योगको मान्यता दिनेकुरामा सरकार गम्भीर रहेको पनि उनको भनाइ छ ।
प्रकाशित मिति: ७ श्रावण २०८१, सोमबार