उपसभामुख रानामाथि छानबिन गर्नुपर्ने माग
काठमाडौँ, साउन ७ । उपसभामुख इन्दिरा रानाले पदको दुरुपयोग गर्दै पाँच जनालाई अमेरिका लैजाने गरेर अमेरिकी दूतावासलाई पत्र लेखेको विषयमा छानविन गर्नुपर्ने माग गरिएको छ ।
उनीमाथि छानविन गर्नुपर्ने विषयमा आइतबार संसद बैठकमा पनि प्रश्न उठेको छ ।
संयुक्त राष्ट्रसंघको कार्यक्रममा भाग लिन जान लागेकी उपसभामुखले महिला अधिकारको अभियानसँग कुनै साइनो नभएका चार पुरुष र एक महिलालाई आफूसँगै लग्न प्रक्रिया अघि बढाइएकी थिइन् ।
आफूसँगै पाँच जना यो कार्यक्रममा जान लागेको भन्दै उनले भिसाको अन्तर्वार्ता छिटो सारिदिन अमेरिकी दूतावासलाई उपभामुखको लेटरप्याडमा पत्र लेखेको प्रमाण बाहिरिएको थियो ।
प्रकाशित मिति: ७ श्रावण २०८१, सोमबार
