कांग्रेसको प्रमुख सचेतकमा घिमिरे
काठमाडौँ, साउन ६ । नेपाली कांग्रेसको संसदीय दलको प्रमुख सचेतकमा श्यामकुमार घिमिरे मनोनित भएका छन् ।
कांग्रेस सभापति एवं संसदीय दलका नेता शेरबहादुर देउवाले घिमिरेलाई प्रमुख सचेतकमा मनोनित गरेका हुन् । पार्टीका प्रमुख सचेतक रमेश लेखक गृहमन्त्री भएसँगै घिमिरेले प्रमुख सचेतकको जिम्मेवारी पाएका हुन् ।
कांग्रेस केन्द्रीय सदस्यसमेत रहेका घिमिरे गत निर्वाचनमा सिन्धुली क्षेत्र नं १ बाट प्रतिनिधिसभा सदस्यमा निर्वाचित भएका थिए ।
प्रकाशित मिति: ६ श्रावण २०८१, आइतबार