यी तीन प्रदेशमा भारी वर्षाको सम्भावना
काठमाडौं, साउन १ । हाल देशभर मनसुनी वायुको प्रभाव रहेको छ ।
मनसुनको न्यून चापीय रेखा भने सरदर स्थानको दक्षिणतर्फ रहेको पाइएको मौसम पूर्वानुमान महाशाखाले जनाएको छ ।
महाशाखाका अनुसार मंगलवार बिहान चारवटा प्रदेशमा वर्षा भइरहेको छ । मधेश, बागमती र गण्डकीका केही र कोशीका थोरै स्थानमा हल्कादेखि मध्यम वर्षा भइरहेको महाशाखाले जनाएको छ ।
दिउँसो बागमती, गण्डकी र लुम्बिनीका केही स्थान तथा मधेश, कर्णाली र सुदूरपश्चिमका थोरै ठाउँमा मेघ गर्जन–चट्याङसहित हल्कादेखि मध्यम वर्षाको सम्भावना रहेको छ ।
यस्तै गण्डकीका एक–दुई स्थानमा भारी वर्षाको सम्भावना रहेको महाशाखाले जनाएको छ ।
यसैगरी राति पनि वर्षाको सम्भावना रहेको पाइएको छ । बागमती, गण्डकी र सुदूरपश्चिमका एक–दुई स्थानमा भारी वर्षाको सम्भावना महाशाखाले जनाएको छ ।
प्रकाशित मिति: १ श्रावण २०८१, मंगलबार
