मोरङमा कुखुरा फर्मभित्र सञ्चालकको हत्या
मोरङ । मोरङको एक कुखुरा फर्मका सञ्चालकको हत्या भएको छ।
सुन्दरहरैँचा नगरपालिका १ स्थित कुखुरा फर्मभित्र एक पुरूषको शव फेला परेको हो ।
जिल्ला प्रहरी कार्यालय मोरङकाअनुसार सुन्दरहरैँचा-९ बस्ने ४९ वर्षीय सहदेव बजगाईंको शव फेला परेको हो ।
वडा नम्बर ९ बस्ने उनी बिहीबार बिहान ८ बजेतिर घरबाट फर्ममा हिँडेका थिए।
मृतकको टाउको क्षतविक्षत अवस्थामा रहेको छ । घटनास्थलबाट बञ्चरो र दाउ पनि फेला परेको छ।
कुखुरा फर्ममा एक दम्पती समेत बस्ने गरेका थिए। उक्त दम्पती फरार रहेको प्रहरीले जनाएको छ।
उनीहरूको प्रहरीले खोजी गरिरहेको छ।
प्रकाशित मिति: २७ असार २०८१, बिहिबार
