ओली नेतृत्वको सरकारमा सहभागी नहुने कांग्रेस महामन्त्री शर्माको घोषणा
झापा । नेपाली कांग्रेसका महामन्त्री विश्वप्रकाश शर्माले एमाले अध्यक्ष केपी शर्मा ओलीको नेतृत्वमा बन्ने सरकारमा आफु नजाने बताएका छन्।
आफ्नो निर्वाचन क्षेत्र झापा–१ मा भएको अगुवा पार्टी कार्यकर्ताको भेलामा बोल्दै महामन्त्री शर्माले यस्तो बताएका हुन् ।
दुई ठूला दल मिलेर सरकारमा जाँदा प्रतिपक्षको शक्ति कमजोर हुने कतिपयको चिन्ता स्वाभाविक रहेको महामन्त्री शर्माले बताए ।
महामन्त्री शर्माले भने, ‘दुई ठूला दल मिल्दै गर्दा प्रतिपक्ष स्वर कमजोर हुन्छ भन्ने खालको वौद्धिक सर्कलको चासो र चिन्ता पनि छ । प्रतिपक्ष स्वर कमजोर हुन नदिन पनि सरकारमा म जान हुन्न।’
१७ असारमा कांग्रेस र एमाले बीच ओलीको नेतृत्वमा सरकार बनाउने सहमति भएको छ। दुई दलबीचच मन्त्रालयको भागबण्डा भने टुंगिएको छैन ।
कांग्रेसबाट नेतृत्व गरेर सरकारमा जाने व्यक्तिहरुका बारेमा चर्चा भइरहे पनि टुंगो भने लागिसकेको छैन ।
प्रकाशित मिति: २७ असार २०८१, बिहिबार
