एमालेको सचिवालय बैठक स्थगित
काठमाडौं । नेकपा एमालेको केन्द्रीय सचिवालयको बैठक स्थगित भएको छ ।
मंगलबार दिउँसो १ बजेका लागि बोलाएको सचिवालय बैठक अन्तिम अवस्थामा आएर स्थगित भएको हो ।
पछिल्लो राजनीतिक घटनाक्रम, सरकारमा सहभागी हुने मन्त्रीको मापदण्ड र केन्द्रीय नेताहरूको कार्यविभाजनलगायत विषयमा छलफल गर्नको लागि एमालेले बैठक बोलाएको थियो ।
एमालेले कांग्रेससँग मिलेर सरकार बनाउने सहमति गरेपछि पार्टी अध्यक्ष केपी ओली प्रधानमन्त्री बन्दैछन् ।
एमाले सचिवालय बैठकले २०८१ को कार्ययोजना स्वीकृत गर्ने तयारी गरेको थियो ।
प्रकाशित मिति: २५ असार २०८१, मंगलबार
