भाेजपुरमा टिपरले किचेर एक जनाको मृत्यु
भोजपुर, माघ ६
भोजपुरको जरायोटार ३ मा बुधबार सहचालकले चलाएको टिपरले किचेर चालकको मृत्यु भएको छ । मृत्यु हुनेमा ओमश्री क्रशर उद्योगको बा २ क १०८५ नम्बरको टिपरका चालक भोजपुरको याकु १ बिर्ता बस्ने टेकबहादुर भुजेल रहेको प्रहरीले जनाएको छ ।
बुधबार बिहान ढुङा लोड गर्नका लागी सहचालक दशरथ कटुवालले टिपर ब्याक गर्दा पछाडी उभिएका भुजेललाई किचेको प्रहरीले जनाएको छ ।
गम्भीर घाइते चालक भुजेललाई उपचारका लागि धरान तर्फ लैजानेक्रममा बाटैमा उनको मृत्यु भएको प्रहरी चौकी जरायोटारले जनाएको छ ।
प्रकाशित मिति: ६ माघ २०७३, बिहिबार
