सशस्त्र प्रहरीको अधिकृत स्तरमा भर्ना खुल्यो

काठमाडौं, असार २१ । सशस्त्र प्रहरीले विभिन्न पदमा अधिकृत स्तरका ४८ जना नयाँ कर्मचारीका लागि दरखास्त आह्वान गरेको छ ।

सशस्त्र प्रहरी बल प्रधान कार्यालय मावन श्रोत विभाग, भर्ना तथा छनोट शाखा हलचोकले शुक्रबार सूचना जारी गर्दै इच्छुकहरुबाट दरखास्त आह्वान गरेको हो ।

सशस्त्र प्रहरीको रिक्त रहेको साधारण समूह, कानुन समूह, लेखा उपसमूह र प्राविधिक समूह (सन्चार तथा इन्जिनियररिङ) तर्फका पदमा खुला प्रतियोगिताद्वारा पदपूर्ति गर्न लागिएको सूचनामा उल्लेख छ ।

कानुन उपसमूहतर्फ प्रहरी निरीक्षक आठ जना, लेखा उपसमूहतर्फ प्रहरी निरीक्षक २९ जना, प्राविधिक तर्फ प्रहरी निरीक्षक ११ जनाको लागि दरखास्त आह्वान गरिएको छ ।

योग्यता पुगेका इच्छुक व्यक्तिले आजदेखि आगामी साउन २० गतेसम्म दरखास्त दिन सक्ने सूचनामा उल्लेख छ ।