गृहमन्त्री लामिछानेविरुद्धको रिटमा आज पनि सुनुवाइ
काठमाडौँ, असार १९ । गृहमन्त्री रवि लामिछानेलाई निलम्बन माग गरिएको रिटमा आज पनि सुनुवाइ हुने भएको छ ।
मंगलवार बहस नसकिएपछि हेर्दाहेर्दैमा राखिएको मुद्दाको सुनुवाई आज पनि हुन लागेको हो । रिट निवेदकका तर्फबाट रमण कर्णसहितका कानुन व्यवसायीले जवाफी बहस बाँकी रहेको बताइएको छ ।
अधिवक्ता अनुपम भट्टराईले गृहमन्त्री लामिछाने शेयर सदस्य रहेको गोर्खा मिडिया नेटवर्कमा विभिन्न सहकारीको अवैध रकम अपचलन गरिएको र उनको नाममा समेत ऋण लिइएकाले अनुसन्धान गर्ने निकायको नेतृत्व गर्न नमिल्ने दाबी गर्दै रिट दायर गरेका थिए ।
प्रकाशित मिति: १९ असार २०८१, बुधबार
