उपसभामुख रानाको टिप्पणी – संसद बैठकमै सांसदहरू घ्वारघ्वार निदाउनु हुन्छ
काठमाडौं । उपसभामुख इन्दिरा रानाले संसद बैठकमा सांसदहरु निदाउने गरेको टिप्पणी गरेकी छन्।
संसद भवनमा ६६ औं संसद दिवसको अवसरमा आयोजित कार्यक्रमलाई बोल्दै उपसभामुख रानाले यस्तो बताएकी हुन् ।
उनले संसद बैठकका बेला सांसदहरु घुर्दै निदाउने गरेको आफूले देखेको बताईन् ।
उपसभामुख रानाले भनिन्,‘संसदमा फोटो खिच्न मिल्दैन, घ्वारघ्वार सुतिरहेको हुनुहुन्छ माननीयज्यूहरू । यहाँ पनि धेरै जना सुतेको देखेँ। अलिअलि रेकर्ड पनि गरेर राखेको छु।’
उपसभामुख रानाले संसद बैठकमा सुतेर सपना नदेख्न सांसदहरुलाई सचेत गराइन् ।
उपसभामुख रानाले महिला मन्त्रालयको बजेट एउटा परियोजनाको बराबर पनि नभएको भन्दै दु:ख व्यक्त गरेकी थिइन्।
प्रकाशित मिति: १६ असार २०८१, आइतबार
