मेलम्चीको पानी तत्काल बन्द नहुने, सावधानी अपनाएर पानी पठाइँदै
काठमाडौं । मेलम्ची खानेपानी आयोजनाको सुरुङको मूलद्वार तत्काल बन्द नुहुने भएको छ ।
आजदेखि बन्द गर्ने भनिएकामा तत्काल बन्द नगरिने मेलम्ची खानेपानी विकास समितिले जनाएको हो।
आजदेखि आयोजना बन्द गर्ने तयारी गरे पनि मेलम्ची नदीको पानी नधमिलिएकाले सावधानी अपनाएर उपत्यकामा पानी पठाइने समितिले जनाएको छ ।
बागमती प्रदेशमा मनसुन सक्रिय भएसँगै मनसुनजन्य विपद्बाट आयोजना जोगाउन सरकारले आयोजना बन्द गर्ने तयारी गरेको थियो ।
गत जेठ ३१ गते आयोजना बन्द गर्ने भनिएकामा ठूलो वर्षा नहुँदासम्म पानी बन्द नगर्ने निर्णय भएपछि निरन्तर सञ्चालन गरिएको मेलम्ची खानेपानी विकास समितिले जनाएको छ ।
प्रकाशित मिति: ७ असार २०८१, शुक्रबार
