यी दश जिल्ला, जहाँ छन् सबै भन्दा बढी डेंगु सङ्क्रमित

काठमाडौँ । काठमाडौँलगायत देशभरका दश जिल्लामा बढी डेंगु सङ्क्रमित भेटिएका छन् । इपिडिमियोलोजी तथा रोग नियन्त्रण महाशाखा (ईडीसीडी) का अनुसार काठमाडौँमा १४१ जनामा डेंगु सङ्क्रमण देखिएको छ । यस्तै, झापामा ११२ जनामा, चितवन ७५ जना मकवानपुर ५९ जनालाई डेंगु सङ्क्रमण देखिएको छ ।

यस्तै, डेंगु सङ्क्रमण बढी देखिने जिल्लामध्ये डोटी, तनहुँ, सिन्धुपाल्चोक, ओखलढुङ्गा, रुपन्देही र भक्तपुर छन् । यी जिल्लामा क्रमशः ४७, ४६, ४४, ४१, २८ र २७ जनामा डेंगु सङ्क्रमण देखिएको छ ।