सहकारी ठगी प्रकरण : गृहमन्त्री लामिछानेविरुद्धको मुद्दा आज सुनुवाइ हुँदै
काठमाडौँ, असार ७ । सहकारी ठगी प्रकरणमा उपप्रधान तथा गृहमन्त्री रवि लामिछानेविरुद्ध परेको मुद्दाको आज सुनुवाई हुँदैछ ।
गृहमन्त्री लामिछानेलाई निलम्बन माग गरिएको उक्त मुद्दा शुक्रवार सुनुवाइका लागि पेशी तोकिएको हो । सहकारी ठगी प्रकरणमा गृहमन्त्री लामिछानेको संलग्नता देखिने गरी जाहेरी समेत परेको दाबी गर्दै अधिवक्ता अनुपम भट्टराईले रिट निवेदन दर्ता गरेका थिए । उक्त रिट यसअघि हेर्न नमिल्ने न्यायाधीशको पेशी पर्दै सरेको थियो । आज दुई न्यायाधीशको इजलासले यो विवादमा सुनुवाइ गर्ने छ ।
गृहमन्त्री लामिछानेविरुद्ध मुद्दा दर्ता भएपछि सर्वोच्चले पोखरामा दर्ता भएको जाहेरी देखि रुपन्देही जिल्ला अदालतमा रहेको अभियोग पत्रसम्म मगाउने आदेश गरेको छ ।
त्यस्तै सर्वोच्चमा पोखराको सूर्य दर्शन र बुटवलको सुप्रिम सहकारी ठगी बारे नेपाल प्रहरीको केन्द्रीय अनुसन्धान ब्युरो सिआइबीले गरेको अध्ययन प्रतिवेदन पनि पेस भएको छ ।
प्रकाशित मिति: ७ असार २०८१, शुक्रबार
