विश्वकप क्रिकेट : भारत र क्यानडाबीचको खेल वर्षाका कारण रद्द
काठमाडौं । आईसीसी टी–२० विश्वकपमा भारत र क्यानडाबिचको खेल वर्षाका कारण रद्द भएको छ ।
वर्षाका कारण यो मैदानमा लगातार तेस्रो खेल हुन नसकेको हो ।
अम्पायरहरूले दुई पटक निरीक्षण गरेपछि खेल रद्द गर्ने निर्णय गरे ।
फ्लोरिडामा वर्षाका कारण आजको खेलको टस समेत हुन सकेन ।
फ्लोरिडामा पछिल्लो एक सातादेखि भारी वर्षा भइरहेको छ ।
प्रकाशित मिति: २ असार २०८१, आइतबार
