नेप्से परिसूचक ९ अंकले घट्यो
काठमाडौं, जेठ ३१ । नेप्से परिसूचक साताको अन्तिम कारोबारको दिन बिहीबार ९.३२ अंकले घटेर दुई हजार एक सय १२ दशमलव २९ बिन्दुमा अडिएको छ ।
आज बिहीबार बजार घटेपनि कारोबार रकम भने अघिल्लो दिनको तुलनामा बढी छ । आज ६ अर्ब ४४ करोड ३० लाख रुपैयाँको १ करोड ४२ लाख ९४ हजार ७१२ कित्ता शेयर कारोबार भएको हो ।
हिजो बुधबार ५ अर्ब ८९ करोड ४० लाख रुपैयाँको १ करोड २९ लाख कित्ता शेयर खरिदबिक्री भएको थियो ।
आज ९४ कम्पनीको शेयर मूल्य बढ्दा १४७ वटाको भने घटेको छ । ५ कम्पनीको शेयर मूल्य भने स्थिर रहेको नेप्सेले जनाएको छ ।
आज बजार घटेपनि संवृद्धि फाइनान्स र कुथेली बुखेरी स्मल हाइड्रो पावरको शेयर मूल्यमा भने सकारात्मक सर्किट सहित १० प्रतिशतको वृद्धि भएको छ ।
उता मीड सोलु हाइड्रोपावरका लगानी कर्ताले भने मूल्यमा १० प्रतिशतको गिरावटको सामना गर्नुपरेको छ । आज सर्वाधिक मुल्यको कारोबार भने नेपाल फाइनान्सको शेयरमा भएको छ ।
प्रकाशित मिति: ३१ जेष्ठ २०८१, बिहिबार
